शिवशिरसि वसन्ती संविदानन्दनीरा
हृदयकलुषपुञ्जं प्रक्षिपन्ती विदूरे।
सघनतमसि दिव्यं ज्योतिरालोकयन्ती
प्रसरतु भुवि भव्या भारती कापि दिव्या।।
अअये सुरभारतीसमुपासकाः नानाशास्त्रनिष्णाताः शास्त्रमन्थनसमुत्थ सुधारसास्वाददक्षाः चतुरस्रवैदुष्यमण्डिताः महापण्डिताः महाकवयः संस्कृतानुरागिणः सहृदयपाठकाश्च
संसारस्य सर्वप्रथमान्तर्जालीयसंस्कृतत्रैमासिक-जाह्नव्याः संस्कृतपत्रिकायाः पञ्चचत्वारिंश-षट्चत्वारिश-संयुक्ताङ्कमिमं सुरभारतीसमुपासकानामनारतं विविधविशिष्टग्रन्थप्रणयनबद्ध-परिकराणामाचार्याणां करकमलयोः सादरं सश्रद्धं सस्नेहं समर्पयन् नितरां प्रमोदमनुभवामि।
पत्रिकायाः प्रारम्भकालादेव सारस्वतसमुपासकानां विविधविद्याविद्योतितान्तःकरणानांमहाविदुषां करकमलाभ्यां लोकार्पणपरम्पराऽस्माभिरङ्गीकृता। एतत्परम्परायांप्रकृताङ्कस्य लोकार्पणाय हरियाणाकेन्द्रीयविश्वविद्यालयस्य कुलपतिपदममलङ्कुर्वद्भिः विविधशास्त्रनिष्णातैः करुणामूर्तिभिः स्वनामधन्यैः श्रीमद्भिः प्रोफेसर्-टङ्केश्वरकुमारमहाभागैः विविधप्राशासनिकार्यव्यस्तैरपि स्वकीयाकृपानुमतिः प्रदत्तेति। अत एतेभ्यः महोदयेभ्यः प्रणतिपुरस्सरं सश्रद्धं कार्तज्ञं प्रकटयति सकल जाह्नवीपरिवारः।
प्रकृताङ्के चतुर्विंशतिसङ्ख्यका शोध-आलेखाः विभिन्नप्रान्तेभ्यः नानाशास्त्रीयसम्प्राप्ता। यत्र चयनसमित्यनुशंसया पक्षपातशून्यमनसा पत्रिकायां समावेशिताः । सर्वेऽपि आलेखाः पाण्डित्यपूर्णास्तत्र अङ्गवृत्तपरिभाषा, महाभारत में गङ्गा महात्म्य, पाण्डित्यपूर्णाः आलेखाः सन्ति तेष्वपि- शब्दशुद्धिप्रतिपादने भामहवामनयोः पारस्पारिकं वैमत्यम् : एकमध्ययनम्, प्रत्याहारेष्वितां ग्रहणविषये ज्ञापकाः, Relevance of Yogashastra in Preservation of Human Life, Awareness of Air Pollution in Vedic Literature, योगदर्शने नञर्थघटितसिद्धान्तविमर्शः, The Cult of Gāyatrī: A Study, महाकविकालिदासकृतिषु स्त्रीपात्र-प्रकृतिविमर्शः, समग्र-स्वास्थ्य् के उपस्तम्भ आहार के विशेष परिप्रेक्य्ष में यौगिक ग्रन्थानुशीलन, हठप्रदीपिका के विशेष परिप्रेक्ष्य में योगाङ्ग प्राणायाम की अवधारणा इत्यादयः विदुषांमनसि नियतं कवलीकरिष्यति।
प्रकृतशोधनिबन्धेषु नानाशास्त्राणां गूढविवेचनं विद्बद्भिः विहितम्।
श्रुतिर्विभिन्ना स्मृतयो विभिन्ना नैको मुनिर्यस्य मतं न भिन्नमित्यभिधानं न केवलं धर्मशास्त्रमवगाहते अपितु ज्यौतिष-काव्य-व्याकरण-दर्शनादिविविधप्रस्थानेषु मतवैभिन्यमाचार्याणां विशिष्टवैदुष्यप्रभवं प्रौढपाण्डित्य-मर्वाचीनविशिष्टविदुषांवैदुष्यानुत्प्रेरयत् समये समये तत्कृतैर्नवीनालोकविभ्राजयति संस्कृतसंसारमिति।
सर्वं द्रष्टुं शक्यतेगहनविवेचनेन प्रकृताङ्कनिबन्धेषु जानन्त्येव शास्त्ररसिकाः पत्रिकायाः मूलमुद्देश्यमस्ति यत् पारम्परिकसंस्कृतविद्यायाः संरक्षणं संवर्द्धनम् सम्प्रसारणम् चेति सदैव राजनीतिविमुखेयं पत्रिका। अत्र ये आलेखाः सम्प्राप्ताः तेषां विशेषज्ञ परीक्षा (पीयर-रिव्यू) प्रक्रिया विधीयते। देशस्य-विदेशस्य च विभिन्नभागेषु वैदुष्यमण्डिताः विद्वांसः शोधालेखानां परीक्षणाय पत्रिकापरिवारैः अनुरुद्धाः । विशिष्टपण्डिता तानुररीकृत्य जाह्नवीपरिवारानन्वगृह्णन्। पुरातनकालादेवेयं प्रक्रिया वर्तत एव।
प्रस्तुतपत्रिका कियदंशतः समीचीनेतिवक्तुमसमर्थोऽहम्। एतद्विषये कविकुलगुरुकालिदासस्यैतद्वचनमेव प्रमाणम्-
आ परितोषाद्विषां न साधु मन्ये प्रयोगविज्ञानम्।
यथैव आशुतोषस्य नटराजराजस्य जटातः प्रवहन्ती जाह्नवी त्रैलोक्यं पुनाति मज्जतां निर्मलं प्रसादयति मुक्तिपथं तथैवेयं मदीयेयं जाह्नवी पत्रिका चतुरस्रवैदुष्यमण्डितानां तत्र भवतां श्रीमतां हृदये सौरभं प्रसादं निधत्तामिति साञ्जलिं वयं कामयामहे।
अन्ते सानुनयं निवेदनं च मदीयबुद्धिदोषेण येऽशुद्धयस्त्रुटयस्तान् स्वयं संशोध्य व्यवहरन्तु सूचयन्तु।
श्रुतिध्वनिमनोहरा मधुरसा शुभा पावनी
स्मृताप्यतनुतापहृत् समवगाहसौख्यप्रदा।
निषेव्यपदपङ्कजा विवुधवृन्दमान्याऽमला
समस्तजगतीतले प्रवहतादियं जाह्नवी
झोपाख्यः सदानन्दः
श्रुतिध्वनिमनोहरा मधुरसा शुभापावनी
स्मृताप्यतनुतापहृत् समवगाहसौख्यप्रदा
निषेव्य पदपङ्कजा विबुधवृन्दमान्यामला
समस्तजगतीतले प्रवहृतदियं जाह्नवी।।
विदुषामनुचरः
झोपाख्यः सदानन्दः
लगमास्थ जे.एन.बी आदर्शसंस्कृतमहाविद्यालयस्य
